تمنت شام الذهبي الصحة والعافية لآدم، ابن النجم تامر حسني وصديقتها الفنانة بسمة بوسيل، وعبرت عن حبها الكبير له وطمأنت الجميع أنه بات بصحة أفضل.

وقالت إبنة النجمة أصالة نصري في لقاء مع ET بالعربي: “ربنا يحفظ أدومي لأنه إن شاء الله يارب يبقى عريس المستقبل لبنتي جيجي أنا وبسمة اتفقنا، أنا عايزة بسمة تبقى حماة جيجي وتامر يبقى حما إيه الحلاوة دي”.

وتابعت: “أدم دا حبيبي بموت فيه من وهو صغير حبيب قلبي يارب يارب يشفيه ويشفي كل أولادنا يارب ومنشوفش عمرنا حاجة وحشه في أولادنا لأن أنك تشوف ابنك أو بنتك تعبانة دي حاجة قاتلة .يارب ما تتكررش تاني ويشفيه يارب ويحفظ كل الاولاد، هو بقى أحسن الحمد لله بس لسه في المستشفى”.

وكان النجم المصري قد أكد في وقت سابق أن حالة طفله الصغير قد باتت مستقرة بعد العملية التانية التي خضع لها وخرج من العناية المركزة بسبب انفجار الزائدة بشكل مفاجئ، شاكراً محبيه من النجوم والجمهور على دعواتهم لطفله.